ရုရှားနိုင်ငံ၏ ငါးတင်ပို့မှုသည် ၂၀၂၅ ခုနှစ်၊ နှစ်ကုန်တွင် အမေရိကန်ဒေါ်လာ ၆ ဘီလီယံအထိ ရောက်ရှိရန်မျှော်လင့်ထားကြပြီး ၂၀၂၄ ခုနှစ်နှင့်နှိုင်းယှဉ်ပါက သိသိသာသာမြင့်တက်လာကြောင်း ရုရှားနိုင်ငံ ငါးလုပ်ငန်းအေဂျင်စီ၏ ထုတ်ပြန်ချက်အရ သိရှိရပါသည်။
     ပို့ကုန်တိုးတက်မှုသည် အဓိကအားဖြင့် ပမာဏတိုးလာခြင်းထက် တန်ဖိုးမြင့်မားခြင်းကြောင့်ဖြစ်ကြောင်း ရုရှားငါးလုပ်ငန်းဆိုင်ရာ ဖက်ဒရယ်အေဂျင်စီ၏အကြီးအကဲ Ilya Shestakov က ဒီဇင်ဘာလ ၁၉ ရက်နေ့တွင် ပြောကြားခဲ့ပြီး ရုရှား၏ စုစုပေါင်းပို့ကုန်၏ ၃၀ မှ ၃၅ ရာခိုင်နှုန်းသည် ကုန်ကြမ်းများထက် ပြုပြင်ထားသော ထုတ်ကုန်များဖြစ်ကြောင်း ထောက်ပြခဲ့ပါသည်။
     ငါးလုပ်ငန်းအရင်းအမြစ်များ ပေါကြွယ်ဝသော ရုရှားနိုင်ငံ၏ အာဇော့ဗ်ပင်လယ်နှင့် ဘိုင်ကယ်ရေကန်တို့တွင် မကြာသေးမီနှစ်များအတွင်း စတာဂျင်ငါးနှင့် အိုမူလ်ငါးများ အသီးသီးတင်ပို့မှု တိုးတက်လာသည်ကို တွေ့မြင်ခဲ့ရကြောင်း ၎င်းက ပြောကြားခဲ့ပါသည်။ တစ်နိုင်ငံလုံးရှိ ရေနေဇီဝဗေဒဆိုင်ရာ အရင်းအမြစ်အမျိုးမျိုး၏ ဖမ်းဆီးမှုပမာဏသည် ပြီးခဲ့သည့်နှစ်ကထက် ကျော်လွန်သွားကြောင်း Shestakov က ပြောကြားခဲ့ပြီး သင်္ဘောများ လုပ်ငန်းဆောင်ရွက်မှု ပိုမိုထိရောက်စေရန်နှင့် ငါးများကို ပိုမိုကောင်းမွန်စွာ ရှာဖွေတွေ့ရှိနိုင်စေရန် ခေတ်မီနည်းပညာများကို အသုံးပြုနေကြောင်း ထပ်လောင်းပြောကြားခဲ့ကြောင်း သိရှိရပါသည်။
Source: Xinhua      
Source: https://www.doca.gov.mm